Nga VMRO-DPMNE janë të bindur se amendamentet e kushtëzuara kushtetuese nuk do të ndodhin.
Në emisionin Klan Debat Bojan Stojanovski tha se nuk do të pranohen amendamentet kushtetuese me diktaturën e askujt.
“Ndryshimet kushtetuese sipas diktateve që vijnë nga jashtë dhe që janë të papranueshme, d.m.th që janë në kundërshtim me mbrojtjen e identitetit maqedonas, veçorive maqedonase, nuk do të ndodhin kurrë me asnjë çmim. Tani kemi një fitues me mbi 300 mijë vota, kështu që do të bëhet realitet në këtë vend që nuk do të ketë ndryshime kushtetuese nën diktatin e askujt. Prej 7 vitesh theksojmë që të mos lidhni kontrata të dëmshme Nuk do të ketë ndryshime të kushtëzuara të Kushtetutës”, tha Stojanovski.
Sipas Fatmir Bytyqit nga LSDM, kjo do të jetë mënyra më e shpejtë për të treguar se si janë bërë fushatat politike në vendin tonë.
“Ky do të jetë mashtrimi i parë zgjedhor që do ta shohin qytetarët, që do të ketë ndryshime kushtetuese dhe bullgarët do të jenë në Kushtetutë dhe ndoshta të tjerë që nuk u përmendën fare si grekët apo nga vendet e tjera fqinje dhe që do të të jetë me arsyetimin se bëhet me qëllim të dinamizimit të integrimit evropian, nuk mund të kesh një platformë koalicioni me partnerët e tjerë, ku shtylla e dytë të jetë dinamizimi i integrimit evropian dhe të thuash që nuk ke amendamente kushtetuese është e shenjtë. Edhe unë si shqiptar etnik mendoj se duhet bërë gjithçka për të mbrojtur identitetin maqedonas. Nëse ka kushte për të ndryshuar, le t’i shohim. Mendimi i fortë është se nuk do të ketë ndryshim të Kushtetutës me asnjë shantazh nëse mund t’i ndryshoni, le t’i shohim”, theksoi Bytyqi.
E majta është kundër ndryshimeve kushtetuese dhe ZNAM kërkon që ato të vonohen.
“Nuk po e ndryshojmë qëndrimin, e kemi thënë në fushatë. Siç është propozuar, ne nuk mund t’i mbështesim ato. Presidenti ynë Maksim Dimitrievski gjatë fushatës propozoi që ndryshimet kushtetuese të vonohen pas hyrjes sonë në Bashkimin Evropian, me çka do të sigurohet që të mos ketë kërkesa të reja nga pala bullgare. Ne qëndrojmë për parimin e reciprocitetit”, tha Karapejovski.
Duke folur për korrupsionin dhe mënyrën e frenimit të tij, Stojanovski bëri të ditur se si parti dëshirojnë ta bëjnë gjyqësorin plotësisht autonom, për të cilin kërkohet mazhoranca prej 2/3 të cilën e kanë aktualisht.
“Ne do ta bëjmë këtë duke shpërbërë disa organe që gjenerojnë korrupsion. Ndër ligjet e para që do t’i kalojmë me ato që kanë të bëjnë me reformën e organeve të administratës, do të jenë ligjet që do t’i shpërbëjnë ato organe. /TvKlan.mk
