Një kanadez është arrestuar në Kanada pasi hapi një dyqan mobil për të shitur kokainë, heroinë dhe droga të tjera të forta, raporton BBC, transmeton Klan Kosova.
Jerry Martin, 51 vjeç, ka thënë se ka në plan të kundërshtojë arrestimin e tij në gjykatë, duke argumentuar se furnizimet e kontaminuara të drogës nuk shkaktojnë dëm.
Policia e Vankuverit tha se nuk ka ngritur akuza zyrtare.
Arrestimi të enjten erdhi një ditë pasi Martin hapi dyqanin e tij.
Ai filloi të shiste drogë të mërkurën nga një rimorkio e lëvizshme e parkuar në Downtown Eastside të Vankuverit, një lagje me një shkallë të lartë të përdorimit të drogës dhe shërbime të përqendruara parandaluese të mbidozës së drogës.
Martin, vëllai i të cilit vdiq nga një mbidozë, ka thënë se ai kishte planifikuar të hapte dyqanin pasi Health Canada dekriminalizoi posedimin e sasive të vogla të drogave të forta në provincën e British Columbia në fillim të këtij viti, si pjesë e një projekt pilotit në periudhe trevjeçare.
Martin u tha mediave lokale se ai kishte në plan të shiste tufa kokaine, metamfetamine, heroinë dhe crack në sasi të vogla, deri në 2.5 gramë, në një përpjekje për të parandaluar vdekjet e mëtejshme. Ai shtoi se barnat ishin testuar për t’u siguruar që ato nuk përmbajnë fentanil. Numri i përgjithshëm i vdekjeve të lidhura me fentanilin nga mbidoza e drogës në Kanada është rritur ndjeshëm që nga viti 2016, duke u rritur me më shumë se 150% krahasuar me vitin 2022.
CBC raportoi se dhjetëra njerëz ishin rreshtuar në hyrje të dyqanit mobil të Martinit për të blerë drogë të mërkurën pasdite.
Ai është jashtë ndalimit policor në pritje të një seance gjyqësore, tha policia. Atij gjithashtu i është kërkuar të qëndrojë larg nga Downtown Eastside të Vankuverit.
