Sektori për kriminalitet kompjuterik pranë Ministrisë së Punëve të Brendshme, ka parashtruar kallëzim penal në Prokurorinë Themelore Publike në Shkup kundër 12 personave, prej të cilëve 10 shtetas të Republikës së Maqedonisë së Veriut dhe dy shtetas të Republikës së Kosovës për veprën penale të “lëshimit të çekut të papaguar dhe keqpërdorimit të kartelës së pagesës”.
Të njëjti dyshohet se kanë përfituar në mënyrë të paligjshme mbi 10 milionë denarë.
Nga Ministria e Punëve të Brendëshme thonë qe, gjatë muajit janar 2023, të dyshuarit kanë bërë keqpërdorim të kartelave të pagesës të lëshuara nga një bankë në Republikën e Maqedonisë, në atë mënyrë që ato janë përdorur nga kompani të huaja aktive përmes të cilave në mënyrë të paautorizuar janë miratuar kthime të mjeteve (refund), të cilat transaksione nuk janë dërguar në bankë si transaksion për kontabilitet, prandaj nuk ka pasur ndikim në transaksionet reale në pikën e shitjes, por nga ana tjetër, është rritur në mënyrë joreale shumën e rimbursimit të bërë. /tvklan.mk/
