Juventusi ka njoftuar sot ardhjen në radhët të sulmuesit turk Arda Guler, por kjo është bërë pasi llogaria e tyre në platformën X është hakuar.
Sipas postimit një nga yjet e ardhshëm të futbollit evropian është pjesë e familjes së Juventusit dhe se janë gati të bëjnë histori së bashku.
“Mirë se erdhe në Juventus, Arda Güler! Ylli i ardhshëm i futbollit evropian është pjesë e familjes Juventus. Jemi gati të bëjmë histori së bashku”, kanë shkruar ata në llogarinë zyrtare në ‘X’ apo ‘Twitter’ të Zonjës së Vjetër.
Por klubi bardhezi ka reaguar duke njoftuar se llogaria e Juventusit në gjuhën angleze është hakuar dhe se nuk ka asgjë të vërtet për ardhjen e turkut në Torino.
Ky është sezoni i dytë i Arda në Real Madrid, ku në aktualin ka luajtur dhjetë ndeshje për Los Blancos. /Telegrafi/
