“Joker: Folie a Deux” pati premierën në Festivalin e 81-të të Filmit në Venecia.
Filmi mori një duartrokitje 11-minutëshe, shkruan Variety.
Pritshmëritë për vazhdimin e “Joker” janë shumë të mëdha. Filmi i parë fitoi më shumë se një miliard euro dhe 11 nominime për Oscar, dhe “Joker: Folie a Deux” është një pretendent i mundshëm për të gjitha çmimet kryesore.
Joaquin Phoenix luan Arthur Fleck dhe Lady Gaga është Harley Quinn. Regjisori është Todd Phillips, bazuar në skenarin që ai shkroi me Scott Silver.
Para premierës së filmit, Philipps, Phoenix dhe Gaga mbajtën një konferencë për shtyp.
Phillips shtoi se ideja për ta bërë muzikën një pjesë të spikatur të vazhdimit të tij ishte diçka që ai diskutoi me Phoenix në xhirimet e filmit të parë. /Telegrafi/
