Sipas të dhënave të fundit nga Eurostat për vitin 2022, Maqedonia e Veriut shënon jetëgjatësinë mesatare më të ulët në rajonin e saj, me një mesatare prej 73.2 vjetësh. Kjo shifër është ndjeshëm më e ulët krahasuar me fqinjët e saj, ku Shqipëria kryeson me një jetëgjatësi mesatare prej 79.1 vjetësh, e ndjekur nga Kroacia me 77.7 vjet, Serbia me 75.2 vjet, dhe Mali i Zi me 73.8 vjet.
Në kontekstin më të gjerë të Bashkimit Evropian, mesatarja e jetëgjatësisë ka arritur në 80.6 vjet në vitin 2022, duke shënuar një rritje prej 0.5 vjetësh nga viti i mëparshëm. Megjithatë, kjo shifër nuk ka arritur të tejkalojë rekordin e vitit 2019, ku jetëgjatësia mesatare në BE ishte 81.3 vjet.
Statistikat gjithashtu tregojnë një diferencë të qartë gjinore në jetëgjatësi në të gjithë Evropën, me gratë që kanë tendencë të jetojnë më gjatë se burrat. Në nivel shtetëror, Lihtenshtajni, Zvicra dhe Spanja janë vendet me jetëgjatësinë më të lartë. Ndërsa në nivel rajonal, Comunidad de Madrid në Spanjë mban rekordin për jetëgjatësinë më të lartë me 85.2 vjet, e ndjekur nga Provincia Autonoma di Trento në Itali me 84.4 vjet, Ile de France në Francë me 84.1 vjet, Stokholmi në Suedi me 84.0 vjet, dhe Comunidad Foral de Navarra në Spanjë me 83.9 vjet.
