Diplomatët izraelitë, duke përfshirë ambasadoren Irit Lillian, u larguan nga Turqia pasi Tel Avivi i tërhoqi ata për shkak të shqetësimeve të supozuara të sigurisë, ndërsa vendi kryen sulme kundër palestinezëve në Gaza.Reklama
Të gjithë diplomatët izraelitë u larguan nga vendi të premten, njoftoi Agjencia e Lajmeve Ihlas (IHA), duke shtuar se Tel Avivi ka marrë vendime të ngjashme edhe për diplomatët në vendet e Lindjes së Mesme.
Izraeli më parë u kërkoi qytetarëve të tij të largoheshin nga Turqia dhe tha se do të organizonte fluturime – pa pagesë – për ata që dëshironin të largoheshin.
Vitin e kaluar, pas muajsh të përmirësimit të marrëdhënieve diplomatike, Izraeli dhe Turqia njoftuan rivendosjen e plotë të marrëdhënieve dhe kthimin e ambasadorëve në të dy vendet.Reklama
Në këtë drejtim, edhe Turqia kishte emëruar një ambasador në Izrael. Një dekret presidencial në nëntor emëroi Şakir Özkan Torunlar në këtë post.
Lillian i dorëzoi letrat kredenciale Presidentit Recep Tayyip Erdoğan në dhjetor 2022, duke shënuar një epokë të re pas katër vitesh me postin pa personel.
Ndryshe, Turqia shpalli tri ditë zie pas bombardimeve të Izraelit ndaj Spitalit Baptist Al-Ahli në Gaza, i cili vrau pothuajse 500 njerëz, duke përfshirë gra dhe fëmijë të zhvendosur që kërkuan strehim në spital.
Protestat pro-palestineze kanë shpërthyer në të gjithë Turqinë dhe në pjesën tjetër të globit që nga fillimi i konfliktit më 7 tetor, kur Hamasi nisi një sulm të papritur në Izrael.
Grupi palestinez tha se inkursioni ishte në hakmarrje për sulmin ndaj xhamisë Al-Aksa dhe dhunës në rritje nga kolonët izraelitë.
Izraeli u përgjigj me operacionin kundër objektivave të Hamasit në Rripin e Gazës dhe që atëherë ka bombarduar qytetin e rrethuar pa pushim.
Gaza tashmë po përjeton një krizë të tmerrshme humanitare pa energji elektrike, ndërsa uji, ushqimi, karburantet dhe furnizimet mjekësore po mbarojnë pasi Izraeli ndërpreu qasjen për 2.3 milionë banorë. /Telegrafi
