Negociatorët nga Izraeli, ShBA, Egjipti dhe Katari kanë rënë dakord për një kornizë për lirimin e pengjeve të mbetura amerikanë dhe izraelitë, ka thënë një burim i njohur me çështjen për rrjetin tonë partner NBC News.
Një draft po i paraqitet Hamasit sot, raporton SkyNews, transmeton Klankosova.tv.
Marrëveshja, e rënë dakord në kryeqytetin francez, Paris, do të shohë lirimin e pengjeve të mbajtura nga Hamasi në faza, të shoqëruar me pauza në luftime dhe dërgesa ndihmash në Gaza.
Në shkëmbim pritet të lirohen edhe të burgosurit palestinezë të mbajtur nga Izraeli.
Negociatorët thuhet se përfshinin kryeministrin e Katarit dhe shefat e inteligjencës nga vendet e tjera.
Sipas një marrëveshje armëpushimi në nëntor, më shumë se 100 pengje izraelite dhe 240 të burgosur palestinezë u shkëmbyen.
Hamasi ende mban më shumë se 100 pengje në Gaza.
