Në një ndeshje të mbushur me tension dhe emocion, Anglia ka arritur të marrë një fitore të ngushtë kundër Serbisë. Trajneri Zamir Islami i ftuar në emsionin Euro Klan 2024, vlerësoi paraqitjen e skuadrës angleze, duke theksuar se pjesa e parë ishte dominuar nga Anglia.
“Besoj që në këto ditë të nxehta janë të mirpritura këto ndeshje, dhe të gjithë e presin këtë eveniment, sidomos kur mbarojnligat nëpër shtete të ndryshme. Mendoj se në pjesën e par qe ma mir Anglia, ndërsa pjesën e dytë me tërheqjen rrezikoi. Unë mendoj se u ngut pak seleksionnuesi i sërbisë me ndërrimet, ku u shfaq një shqnjë revolte dhe nervozizmi. Dhe nga ai moment Anglia qe më shumë komode, dhe më shum kalkulonte Anglia dhe morri rezultatin e fitores”, tha Islami.
Nga ana tjetër, trajneri Amir Veliu theksoi se pavarësisht presionit të Serbisë pas minutës së 50-të, Anglia mbeti e palëkundur, me portierin anglez që bëri disa pritje kyçe për të mbrojtur avantazhin. Veliu veçoi performancën e Jude Bellingham, i cili me përvojën e tij dhe formën e shkëlqyer nga Real Madridi, kontribuoi në momentin vendimtar të ndeshjes i dha Anglisë një fitore të merituar, por jo pa vështirësi.
“Edhe pse mund të vrehet se nga minuta e 50 vuajti Anglia nga Serbia, megjithatë nuk ndodhë ndonjë befasi dhe portieri anglez mbrojti portën. Siç e cekët dhe ju njëri nga lojtarët më të mirë Bellingham në minutën e 13 që qe minuta vendimtare, me përvojën e tij, dhe formën e tij që vjen nga Real Madridi, dhe arriti të bëjë një një fitore po jo aq të lehtë”, tha Veliu./tvklan.mk/
