Hiba Abouk mund të mos përfitojë për shkak se pasuria e futbollistit është në emër të nënës së tij
Divorci i Hiba Abouk me Achraf Hakimi u bë kryefjalë e mediave rozë. 36-vjeçarja vendosi t’i jepte fund martesës me 24-vjeçarin pas akuzave për përdhunim që rëndonin mbi të që nga muaji i kaluar.
Pavarësisht se aktorja spanjolle pretendon 50% të pasurisë, mediat e huaja bëjnë me dije se pasuria e Hakimit është e shkruar në emër të vjehrrës së saj, Fatimes.
Është e ditur tashmë që 24-vjeçari ka një dobësi të veçantë ndaj nënës së tij dhe ka vendosur që 80% e pagës mujore që merr t’i shkojë asaj.
Ndonëse lajmi ka bërë bujë në Spanjë dhe Marok, po ashtu është bërë e ditur se Abouk nuk është në një situatë ku i duhet një pjesë e pasurisë së ish-bashkëshortit të saj për të përballuar jetesën, pasi ajo vetë ka një pasuri të konsiderueshme.
Klan News
