Teherani nga ana tjetër ka refuzuar një hetim të pavarur të OKB-së për shtypjen e protestave antiqeveritare në vend
Irani ka prova të reja se vendet perëndimore janë përfshirë në protestat që kanë përfshirë vendin. “Ne kemi informacione specifike që vërtetojnë se SHBA, vendet perëndimore dhe disa nga aleatët amerikanë kanë pasur një rol në protesta,” ka bërë të ditur zëdhënësi i ministrisë Nasser Kanaani.
Sipas asaj qe raporton Reuters provat u janë dërguar ambasadorëve të huaj në Teheran dhe ambasadorëve iranianë jashtë vendit. Nga ana tjetër Teherani ka refuzuar një hetim të pavarur të OKB-së për shtypjen e protestave antiqeveritare në vend. Këshilli i OKB-së për të Drejtat votoi të enjten e kaluar për të caktuar një hetim për shtypjen vdekjeprurëse të protestave nga Irani.
Protestat, të shkaktuara nga vdekja e gruas kurde iraniane 22-vjeçare Mahsa Amini pas arrestimit të saj përbëjnë një nga sfidat më të forta për krijimin klerik të vendit që nga Revolucioni Islamik i vitit 1979.
Demostrat të cilat po hyjnë më muajin e katërt tregojnë se Irani është në një krizë të plotë të të drejtave të njeriut pasi autoritetet shtypin disidentët kundër regjimit. Autoritetet kanë nisur një goditje vdekjeprurëse ndaj demonstruesve, me raporte për ndalime të detyruara dhe abuzime fizike që janë përdorur për të shënjestruar grupin e pakicës kurde të vendit. Në një hetim të fundit të CNN , dëshmitë e fshehta zbuluan dhunë seksuale kundër protestuesve, përfshirë djem, në qendrat e paraburgimit të Iranit që nga fillimi i trazirave.
Ndërkaq nga ana tjetër milicitë iraniane po përdorin municion që shkakton verbërimin e protestuesve. Udhëheqësi Ayatollah Ali Khamenei në një fjalim televiziv paralajmëroi popullatën që të mos joshet nga propaganda e huaj. Më shumë se 450 demonstrues janë vrarë nga policia dhe forcat e sigurisë që nga fillimi i protestave duke përfshirë 63 të mitur dhe 18,173 protestues janë arrestuar.
Klan News
