MSH: MBI 50 MIJË QYTETARË KANË MARRË VAKSINËN E GRIPIT SEZONAL
Mbi 50 mijë qytetarë kanë marrë vaksinën kundër gripit sezonal, ndërsa 59 mijë kanë aplikuar për vaksinim falas – ka njoftuar Ministria e Shëndetësisë. Sipas tyre, imunizimi vazhdimisht kryhet në Qendrat e Shëndetit Publik dhe Shtëpitë e Shëndetit, kurse vaksina kundër gripit është masa më efikase për të parandaluar komplikimet vecanërisht tek grupet në rerzik.
“Vaksinimi kundër gripit sezonal kryhet vazhdimisht në qendrat shëndetësore publike dhe qendrat shëndetësore dhe vaksinimi falas mbulon grupet e mëposhtme të rrezikuara: të moshuarit (mbi 65 vjeç), personat me sëmundje kronike, punonjësit e shëndetësisë, gratë shtatzëna, fëmijët nga 6 muaj deri në 5 vjeç, si dhe personat e vendosur në institucionet e mbrojtjes sociale të të moshuarve dhe personat e punësuar në institucionet e mbrojtjes sociale të të moshuarve”, thonë nga Ministria e Shëndetësisë.
Ministria e Shëndetësisë këtë vit ka siguruar 60 mijë vaksina të destinuara për imunizimin e kategorive të rrezikuara të qytetarëve dhe punonjësve shëndetësorë.
Qytetarët e interesuar për vaksinimin falas mund të paraqiten duke plotësuar aplikacionin elektronik në ueb-faqen vakcinacija.mk./KlanMacedonia
