MSH: Mbi 10 mijë qytetarë kanë aplikuar për vaksinim falas
Për dy ditë mbi 10.000 qytetarë janë regjistruar për vaksinim falas kundër gripit sezonal, njoftoi Ministria e Shëndetësisë. Nga ky insitucion shtojnë se vaksinimi falas do të jepet sipas grupeve me rrezikshmëri më të lartë.
“Vaksinimi falas do të mbulojë grupet e mëposhtme të rrezikut:
– Të moshuar (mbi 65 vjeç)
– Personat me sëmundje kronike
– Punonjësit e kujdesit shëndetësor
– Gratë shtatzëna
– Fëmijët nga 6 muaj deri në 5 vjeç”
– Personat e strehuar në institucionet e mbrojtjes sociale për të moshuarit dhe personat e punësuar në institucionet e mbrojtjes sociale të të moshuarve”, thonë nga Ministria e Shëndetësisë.
Nga ministria e shëndetësisë thonë se vaksinimi kundër gripit sezonal është masa më efektive për parandalimin e gripit e cila parandalon shfaqjen e formave më të rënda për shëndetin./KlanMacedonia
