Inflacioni vjetor në Turqi u ul në 57.68% në janar, sipas të dhënave zyrtare, por mbetet gjithësesi shumë më i lartë se parashikimet, pavarësisht një efekti bazë të favorshëm që pritet të vazhdojë derisa Presidenti Tajip Erdogan të kërkojë rizgjedhjen si kreu i shtetit në muajin në maj.
Nga muaji në muaj, çmimet e konsumit u rritën me 6.65%, sipas Institutit të Statistikave Turke, gati dyfishi i një parashikimi nga sondazhet e Reuters prej 3.8%. Inflacioni vjetor i çmimeve të konsumit parashikohej të ishte 53.5%.
Rritja e mprehtë mujore ishte për shkak të një sërë rritjesh çmimesh për vitin e ri, duke përfshirë transportin publik dhe duhanin, si dhe rritjen e çmimeve të ushqimeve.
Zinxhirët më të mëdhenj të ushqimeve në Turqi, nën presionin e qeverisë, ngrinë ose ulën çmimet për qindra produkte në nuajin janar, por zyrtarët e sektorit thanë se mund ta bëjnë këtë vetëm për një periudhë të shkurtër duke pasur parasysh kostot. Është ende e paqartë se sa uljet e çmimeve mund të kenë ndikuar në shtypjen e inflacionit.
Inflacioni arriti nivelin më të lartë të 24 viteve prej 85.51% në tetor, i nxitur nga një seri uljesh të normave të interesit, të kërkuara nga Erdogan, që filluan në shtator 2021 dhe shkaktuan një zhvlerësim të monedhës vendase në fund të atij viti. Masa vjetore e çmimeve tani po lehtësohet në krahasim me atë periudhë, e cila përfshinte një rritje prej 11% nga dhjetori 2021 deri në janar 2022.
Të dhënat patën pak ndikim tek lira turke, e cila për herë të fundit ishte 18.818 për dollar. Ekonomistët presin që inflacioni vjetor të ulet në rreth 40% deri në kohën e zgjedhjeve të muajit maj, të cilat sipas sondazheve pritet të kenë një rezultat shumë të ngushtë.
Indeksi i çmimeve të prodhimit vendas u rrit me 4.15% nga muaji në muaj në janar për një rritje vjetore prej 86.46%. Pavarësisht rritjes së çmimeve, banka qendrore ka ulur normën e saj të interesit në 9% nga 19% që nga viti 2021, në mënyrë që të kthejë deficitet kronike duke rritur investimet me kredi më të lira. Lehtësimi i ka lënë normat reale thellësisht negative.
/ SCAN
