India pritet që ta kalojë Kinën, për t’u bërë vendi më i populluar në botë.
Kjo pritet të ndodhë nga mesi i vitit 2023, thonë të dhënat e lëshuara nga Kombet e Bashkuara.
Numri i popullsisë së Indisë pritet që të arrijë në një miliard e 428.6 milionë, kundrejt Kinës që pritet të ketë një miliard e 425.7 milionë, raporton BBC, përcjell KlanKosova.tv.
Kjo tregon se India do të ketë 2.9 milionë banorë më tepër sesa fqinji aziatik.
Të dyja vendet përbëjnë një të tretën e popullsisë globale për më tepër se 70 vjet.
