Bujar Osmani në Klan Debat me Xhumadije Ibraimin rikujtoi qëndrimin e kreut të BDI-së, Ali Ahmeti se shqiptarëve në Maqedoni nuk iu duhen më shumë se dy lista zgjedhore në garë, për shkak se, siç thotë ai, kështu pamundësohet defaktorizimi i shqiptarëve në parlament.
BDI, sipas Osmanit, është shumë më tepër sesa parti politike.
“BDI është një mision i madh, është një narrativ i madh, i cili jo vetëm që ka rrënjët diku thellë në të kaluarën më të ndritshme të shqiptarëve, por është e mbështetur nga njerëzit më me eksperiencë dhe më të dijshëm që i ka populli këtu dhe prandaj është edhe platformë e pakrahasueshme me këto subjektet eksperimentale, të cilat krijohen sot, mbyllen nesër ose kanë kauza personale”, deklaroi Osmani./KlanMacedonia
