37-vjeçari është i pari kryeministër musliman dhe me ngjyrë në vend
Humza Yousaf është zyrtarisht kryeministri i ri i Skocisë. Ai u betua gjatë një ceremonie të shkurtër e cila u zhvillua në Edinburg.
37-vjeçari është personi më i ri që mban këtë post dhe ka shkruajtur historinë duke u bërë kryeministri i parë mysliman që mban këtë rol. Yousaf, i cili pason Nicola Sturgeon, është kryeminstri i gjashtë i vendit dhe i pari me origjinë pakistaneze.
Kryeministri i ri filloi të formojë ekipin e tij të martën pasdite me njoftimin se Shona Robison, një aleate e ngushtë e ish-kryeministres Sturgeon do të bëhej zëvendëskryeministre.
Ai gjithashtu konfirmoi se do të kishte një “ministër për pavarësinë” në qeverinë e tij, një rol që ai u zotua ta krijonte gjatë garës për të marrë drejtimin e vendit. Ndryshe nga liderët e tjerë, Humza Yousaf ka pak kohë në politikë.
Ai ka premtuar se do të fitojë besimin dhe respektin e atyre që nuk janë të bindur për pavarësinë e Skocisë dhe shkëputjen nga Mbretëria e Bashkuar duke qeverisur mirë dhe duke u fokusuar tek prioritetet e vendit.
Klan News
