Pas sulmit ajror të ushtrisë izraelite në afërsi të portit Hodeidah në Jemen, udhëheqësi i grupit rebel Houthi, Abdel-Malik al-Houthi, ka paralajmëruar Izraelin për hakmarrje.
Ai theksoi se “përgjigja është e pashmangshme” dhe se çdo veprim nga ana e armikut izraelit do të nxitë reagime hakmarrëse.
Avionët luftarakë izraelitë sulmuan objektivat ushtarake të Houthit pranë portit Hodeidah të Jemenit të shtunën. Në këtë sulm, u vranë të paktën nëntë persona dhe 87 të tjerë mbetën të plagosur.
Kjo ndodhi një ditë pasi një dron i grupit Houthi goditi Tel Avivin dhe vrau një person.
