Gruaja shtatzënë dyshohet se u vra nga bashkëshorti i saj
Një grua shtatzënë është qëlluar me armë para klinikës së gjinekologjisë në Prishtinë.
“Gruaja e vrarë në Klinikën Gjinekologjike këtu në Prishtinë ishte në javën e fundit tështatzënisë”, raporton gazetarja Blerta Dalloshi Berisha nga Prishtina.
Dyshohet se ajo është vrarë nga bashkëshorti i saj me të cilin thuhet se ishte në proces divorci.
Policia e ka konfirmuar rastin.
“Rreth orës 18:00, kemi pranuar informatën për një trup të pajetë, në oborrin e QKUK-së në Prishtinë. Policia menjëherë ka dalë në vendin e ngjarjes si dhe ekipi mjekësor të cilët kanë konstatuar vdekjen e viktimës, femër, rreth 35 vjeç. Mbështetur në informacionet e para, dyshimet e ngritura sugjerojnë se bëhet fjalë për vrasje. Aktualisht Policia në koordinim me prokurorin e shtetit ka nisur një hetim dhe po vijon ndërmarrjen e të gjitha veprimeve hetimore dhe të ekzaminimit, me qëllim sqarimin e plotë të ngjarjes”, thuhet në njoftimin e policisë.
Lajmin e ka konfirmuar edhe Qendra Klinike Universitare e Kosovës.
Vrasja e dyfishtë në oborrin e QKUK-së ndodhi 5 ditë pas vrasjes së një tjetër gruaje nga bashkëshorti i saj me sëpatë./KlanMacedonia
