Sektori për Punë të Brendshme në Tetovë njofton se gjatë ditës së djeshme kanë arrestuar një 23-vjeçar nga Gostivari i cili paraprakisht ishte raportuar në polici se ka sulmuar fizikisht nënën dhe babanë e tij
“Mbrëmjen e djeshme (13-dhjetor) rreth orës 21:10, zyrtarët policorë të SPB Tetovë- Departamenti i Punëve të Brendshme Gostivar kanë privuar nga liria 23-vjeçarin M.A. nga rrethina e Gostivarit, i cili më pak se një orë më parë ishte raportuar nga babai i tij 57-vjeçar se e kishte sulmuar fizikisht atë dhe gruan e tij, gjegjësisht nënën e M.A. dhe më pas kishte dëmtuar orenditë shtëpiake. Ai është ndaluar në Stacionin Policor Gostivar për zbardhjen dhe dokumentimin e rastit dhe kundër tij do të përgatitet parashtresë përkatëse”, thonë nga SPB-Tetovë.
