Kompania “Google”, e njohur për planet e saj ambicioze kundër ndryshimeve klimatike, nuk arriti të zvogëlojë emetimet e gazrave të dëmshëm vitin e kaluar. Sipas një raporti vjetor të kompanisë, emetimet u rritën me 13% në vitin 2023, krahasuar me një vit më parë.
Kjo rritje është pjesërisht e lidhur me përdorimin e inteligjencës artificiale dhe kërkesën e lartë të energjisë elektrike nga qendrat e ruajtjes së të dhënave. Ndërkohë, kompanitë teknologjike po përpiqen të gjejnë mënyra për të përdorur inteligjencën artificiale në dobi të njerëzimit, duke ulur ndikimin e tyre në ndryshimet klimatike
