Ai bëhet kryeministri i parë homoseksual në këtë detyrë
Gabriel Attal është kryeministri i ri i Francës pas dorëheqjes së Elizatbeth Bonet. 34-vjeçari i emëruar i presidentit Makron është kryeministri më i ri në historinë e Francës. Ai gjithashtu hyn në histori si kryeministri i parë homoseksual që mban këtë post.
Ngritja e tij në politikë ka qenë e shpejtë. Dhjetë vjet më parë ishte një këshilltar i panjohur në ministrinë e Shëndetësisë. Ai është një nga politikanët më të njohur të vendit, dhe përshkruhet nga mediat e huaja si një ministër i zgjuar, i qetë si në publik ashtu dhe në parlament.
Analistët thonë se ky vendim i shefit të Elizesë nuk do të çojë në ndonjë ndryshim të madh të kursit politik. Gabriel Attal pritet të ndjekë nismat e presidentit si reforma e kontestuara e pensioneve dhe emigracionit.
Legjislacioni i miratuar muajin e kaluar për regullat e emigracioni shkaktoi polemika brenda partisë së Presidentit. Ministri i Shëndetësisë, Aurélien Rousseau dha dorëheqjen në shenjë proteste dhe anëtarë të tjerë të kabinetit të krahut të majtë thuhet se kishin planifikuar gjithashtu të largoheshin nga qeveria.
Klan News
