Klubi i futbollit Tirana, sot në stadiumin “Biljanini Izvori” në Ohër do të jetë mysafire e kampionit të Maqedonisë së Veriut, Struga Trim Lum, ndeshje e cila për struganët do të jetë testi i fundit para ndeshjes eliminatore në Ligën e Kampionëve kundër ekipit Zhalgiris në Vilnus
Për djelmoshat e strategut Shpëtim Duro kjo ndeshje do të jetë testi më rëndësishëm para sfidë me ekipin nga Lituania, pasi njëmbdhjetshi që sot do të zbretë në fushën e gjelbërt mund të jetë ai që do të paraqitet edhe ne ndeshjet europiane.
Kujtojmë se Struga Trim Lum gjatë fazes përagatitore deri më tani ka zhvilluar dy ndeshje luksi dhe ate me kampionin e Kosovës, FC Ballkani (2-2) dhe kampionin e Shqipërisë, Partizanin (0-1)
Sa i përket ndeshjeve europiane Struga Trim Lum me 11 korrik do të luaj ndeshjen e parë në transfertë kundër Zhalgiris, e vlefshme për kualifikueset e Ligës së Kampionëve, derisa Tirana me 13 korrik në “Air Albania” do të mirëpret gjeorgjianët e Dinamo Batumi në kuadër të Ligës së Konferencës.
Ndeshja Struga Trim Lum – Tirana do të zhvillohet nesër në stadiumin e qytetit në Ohër me fillim në ora 17:00. /KlanMacedonia/
