Një fitore e vendasve, 3 barazime dhe 2 fitore të ekipeve mysafire me gjithësejt 21 gola të shënuar është epilogu i ndeshjeve të javës së fundit të kampionatit vendor.
Me ndeshjet e javës së 33-të që u zhvilluan në pasditen e sotme edhe zyrtarisht përfundoi sezoni 2023/2024 në Ligën e pare të futbollit vendor. Titulli kampion për këtë sezon i takoi ekipit Struga Trim Lum, Shkëndija siguroi kualifikim në garat evropiane, Vardari do të luan në balotazh për mbijetesë, ndërsa nga elita e futbollit largohen Makedonija Gj.P dhe Bregallnica.
Kampioni I këtij sezoni Struga Trim Lum në takimin e fundit sezonal pësoi disfatë 1-2 nga Shkupi. Autor I galit për vendasit ishte Bunjamin Shabani, ndërsa për Shkupin shënuan Ramani dhe Avornio.
Shkëndija me fitoren kundër Rabotniçkit në Shkup 2-0 siguroi titullin nën kampion dhe pjesëmarrje në Konferencë Ligë. Autor të golave për ekipi kuqezi ishin Krasniqi dhe Aganspahiq.
Ndeshja Voska Sport Gostivari përfundoi me barazim 1-1. Për vendasit shënoi Marushiq, ndërsa barazoi Abazi.. AP Brera mundi Makedonmija Gj.P me rezultatin 4-2. Golashënues ishin Ivkoviq e Roxhers me nga 2 gola dhe Olaosebikan për vendasit, ndërsa Larson 2 dhe Veliçkovski pë Makedonija Gj.P. Bregallnica ligës së pare i tha lamtumirë me barazim 1-1,kundër Sileksit. Golat i shënuan Stojçevski për vendasit dhe Manasievski për Sileksin. Vardari barazoi me Tikveshin 2-2 . Autor të golave ishin Nikollovski e Shushnjara për Vardarin, ndërsa Danoski dhe Puzirevskiq për Tikveshin
Rezultatet e javës së 33-të
AP Brera – Makedonija Gj.P 5-3
Bregalnica – Sileksi 1-1
Rabotniçki – Shkëndija 0-2
Struga Trim Lum – Shkupi 1-2
Vardari – Tikveshi 2-2
Voska Sport – KF Gostivari 1-1
Tabela përfundimtare:1.StrugaTrim Lum 64 pikë, 2.Shkëndija 64, 3.FC Shkupi 62, 4. Tikveshi 44, 5.Sileksi 43, 6.AP Brera 42, 7.Voska Sport 42, 8. Rabotniçki 42, 9.Gostivari 42, 10.Vardari 37. 11.Makedonija Gj.P 29, 12.Bregallnica 28 pikë./tvklan.mk
