GOLIN E VETËM E SHËNOI ALVAREZ NGA PENALTIA
Me ndeshjen derbi Shkupi – Struga Trim Lum që përfundoi me rezultatin1-0, u kompletua java e 11-të e sezonit vjeshtor në Ligën e Parë të futbollit vendor. Java e 11-të solli dy fitore të vendasve një barazim dhe dy fitore për ekipet mysafire me gjithësejt 16 gola të shënuar
Me golin e vetëm që e shënoi Fredi Alvarez në minutën e 57 nga penaltia, ekipi i Shkupit shënoi fitoren e pestë në sezonin vjeshtor të kampionatit 2022/2023.
Por mbetet dyshimi a thua arbitri kryesor solli vendimin e drejt, pasi në momentin vendimtar portieri Vedran Qosevski arriti para Adetunjit te topi topin para se të rrëzonte futbollistin e shkupit, por referi Stavrev ishte i paluhatshëm në vendimin e tij duke treguar në pikën e bardhë.
Lideri në renditjen e tabelës kishte rastin ideal për të barazuar rezultatin por Valentin Koçovski nga afërsia nuk arriti të konkretizoi.
Si do që të jetë me përfundimin e rrethit të parë Struga Trim Lum mbetet lider në renditjen e tabelës me 25 pikë, para Shkëndijës që ka 19 dhe Shkupit me 18 pikë.
Për shkak të obligimeve të reprezentacionit A, pë ndeshjen miqësore kundër Arabisë Saudite java e 12-të e sezonit vjeshtor zhvillohet më 26 tetor me fillim në orën 14:00,
Rezultatet e javës së 11-të:
Shkupi – Struga TL 1-0
Rabotniçki – Shkëndija 2-4
Bregallnica – Sileksi 2-3
Makedonija gj.P -Skopje 2-0
Pobeda – Akademia Pandev 1-1
Tikveshi ishte e lirë
T A B E L A
| 1.Struga Trim Lum | 10 | 8 | 1 | 1 | 19:4 | 25 |
| 2.Shkëndija | 10 | 5 | 4 | 1 | 15:8 | 19 |
| 3.Shkupi | 10 | 5 | 3 | 2 | 13:7 | 18 |
| 4.Sileksi | 10 | 5 | 3 | 2 | 15:12 | 18 |
| 5.Tikveshi | 10 | 5 | 1 | 4 | 16:13 | 16 |
| 6.Makedonija Gj.P | 10 | 3 | 3 | 4 | 11:12 | 12 |
| 7.Bregallnica | 10 | 3 | 3 | 4 | 9:10 | 12 |
| 8.Rabotniçki | 10 | 3 | 2 | 5 | 10:20 | 11 |
| 9.Akademia Pandev | 10 | 2 | 2 | 6 | 12:12 | 8 |
| 10.Pobeda | 10 | 2 | 2 | 6 | 8:15 | 8 |
| 11.Skopje | 10 | 1 | 2 | 7 | 2:17 | 5 |
Java e 12-të e sezonit vjeshtor zhvillohet më 26 tetor me fillim në orën 14:00, takohen: Skopje – Shkëndija, Rabotniçki – Sileksi, Bregallnica – Ak.Pandev, Pobeda – Struga TL, Shkupi – Tikveshi. Makedonija Gj.P është e lire.
Gazetar: Shaban Sinani /KlanMacedonia/
