Fortnite, një nga video-lojërat më të mëdha në botë, është në dispozicion si një aplikacion telefoni celular për herë të parë në katër vjet.
Është rikthyer, nëpërmjet dyqanit të sapolançuar Epic Games Store, në telefonat Android në mbarë botën – përfshirë Mbretërinë e Bashkuar – por është i disponueshëm vetëm për përdoruesit e iPhone në BE.
Kjo për shkak se ligji i BE-së kërkon që Apple të lejojë dyqanet e aplikacioneve të palëve të treta në pajisjet e saj – pjesët e tjera të botës nuk kanë legjislacion të krahasueshëm, transmeton Telegrafi.
Përdoruesit do të duhet të shkarkojnë një dyqan alternativ aplikacionesh përpara se të mund të shkarkojnë Fortnite, dhe dy lojërat e tjera Epic të disponueshme aktualisht.
Epic pranon se procesi është “i gjatë” dhe fajëson Apple dhe Google për “prezantimin e qëllimshëm të përvojave të instalimit me cilësi të dobët të ngarkuara nga hapa të shumtë, cilësimet konfuze të pajisjes dhe ekranet e frikësimit”. /Telegrafi/
