Fondi investues klimatik (FIK) aprovoi Planin investues të Maqedonisë së Veriut për tranzicion të përshpejtuar energjetik nga thëngjilli drejt energjisë së pastër në vlerë prej 85 milionë euro.
Me aprovimin e këtyre mjeteve nga FIK-ja sigurohen fondet e para për realizimin e Platformës investuese për tranzicion të drejtë të Maqedonisë së Veriut në vlerë prej 3 miliardë euro që u lansua në COP 28 në Dubai, në fund të vitit të kaluar.
Ministria e Ekonomisë sot në Qeveri para përfaqësuesve të komitetit të Fondit Investues Klimatik, EBRD-së, Bankës Botërore, IFC-së dhe Bankës Zhvillimore e prezantoi Planin investues për tranzicion të përshpejtuar të thëngjillit të Maqedonisë së Veriut” – thuhet në kumtesën e Ministrisë së Ekonomisë.
