Shkëndija e vetmuar kryeson tabelën me 16 pikë
Tre fitore të skuadrave vndase, një barazim dhe dy fitore të ekipeve mysafire me gjithësejtë 14 gola të shënuar është epilogu i ndeshjeve të xhiros së tetë në Ligën e parë të futbollit vendor , Shkëndija e vetmuar kryeson tabelën me 16 pikë, para Shkupit që ka 14 pikë.
Në stadiumin e qytetit në Tetovë, ekipi i Shkëndijës me një gol të vetëm të Erald Çinarit në stilin e tij të njohur në minutën e 59-të, mundi Makedonija Gj,P. Ndryshe në këtë ndeshje ekipi kuqezi dominoi në teren të gjelbër gjatë 90 minutave dhe nuk realizoi disa raste të qindpërqindta, ndërsa ekipi mysafirë në minutat e fundit të ndeshjes pati dy raste shumë të mirë por në këto moment fati ishte nën e tetovarëve. Me tri pikët e fituara, Shkëndija e vetmuar kryeson tabelën e klasifikimit me 16 pikë dhe me një ndeshje më pakë
Në ndeshjen derbi në Ohri, Shkupi ka arritur të fitoj duelin kundër Voska Sport, duke triumfuar me rezultat 3:2. Të parët që hapën rezultatin në këtë takim ishin vendasit, që realizuan në sekondat e para të ndeshjes me Marushiq në minutën e pare dhe nga penalita disa minuta para përfundimit të ndeshjes. Ndërsa Shkupi për Shkupin realizuan Sahiti, Dudu dhe Arbi Vosha. Me tre pikët e fitua Shkupi ngjitet në pozitën e dytë me 14 pikë.
Kampioni në fuqi Struga Trim Lum vazhdon serine e fitoreve, kësaj radhe mundi Rabotniçkin 1-0 me golin e Idrizit në minutën e 50-të.
Fitore shumë të rëndësishme ka shënuar Gostivari në transfertën në Shkup , kundë Vardarit 2-0 me golat që i shënuan Kehinda (31’), dhe Goba (88’)
Në Strumicë AP Brera barazoi me Sileksin 1-1 . Për vendasit shënoi Trajkov (76’) ndërsa për Sileksin shënoi Gjorgjievski (26’)
Në Kavadar Tikveshi vendas me përmbysje mundi Bregallnicën 2-1. Autor të golave ishin Spahiu dhe Ivanovski pë vendasit, ndërsa Anderson për shtipjanët
Rezultatet
Vardari – Gostivari 0-2
Shkëndija – Makedonija GP 1-0
Brera Strumica – Sileksi 1-1
Voska – Shkupi 2-3
Struga TL – Rabotniçki 1-0
Tikveshi – Bregallnica 2-1
Tabela: 1.Shkëndija 15 pikë (-1 ndeshje), 2.Shkupi 14 pikë, 3. AP brera 14 pikë, 4.Sileksi 13 pikë, 5.Tikveshi 13 pikë, 6. Struga Trim Lum 12 pikë (-3 ndeshje). 7 Rabotniçki 10 pikë, 8. Bregallnica 9 pikë, 9.Makedonija Gj.P 8 pikë, 10. Voska Sport 7 pikë (- 1 ndeshje), 11. Gostivari 6 pikë, 12. Vardari 4 pikë
Në xhiron e 9-të, më 1 tetor me fillim në ora 14:00, takohen: Bregallnica – Vardari, Rabotniçki – Tikveshi, Shkupi – Struga Trim Lum, Sileksi – Voska Sport, Makedonija Gj.P – AP Brera dhe Gostivari – Shkëndija
/KlanMacedonia/
