Shqipëria renditet në vendin e 87-të në raportin botëror, Kosova e 29-ta
Nëse dëshironi të jetoni të lumtur duhet të jetoni në Finlandë pasi ky shtet është renditur për të shtatin vit rradhazi si vendi më i lumtur në botë nga një raport i OKB-së.
Raporti botëror i lumturisë merr parasysh indikatorë shumë të ndryshëm socialë, ekonomikë dhe kulturorë, por një nga faktorët më të rëndësishëm ka të bëjë me nivelin e besimit të opinionit publik mbi institucionet e vendit, qeverisjes dhe solidaritetit social.
Finlanda e cila është në krye të listës për të shtatën vit radhazi, ndiqet nga Danimarka dhe Islanda. Sipas raportit, Norvegjia, Suedia, Gjermania, Franca, Mbretëria e Bashkuar dhe Spanja janë vende ku të moshuarit tani janë dukshëm më të lumtur se të rinjtë, ndërsa e kundërta ndodh në Portugali dhe Greqi.
Lumturia në mesin e të rinjve, të moshës 15-24 vjeç, gjithashtu ka rënë ndjeshëm në Amerikën e Veriut. Afganistani dhe Libani i shkatërruar nga lufta mbeten dy vendet më të palumtura në botë.
