Ministri për politika dhe qeverisje të mirë nga rradhët e VLEN, Arben Fetai ka reaguar ndaj ngjarjeve të fundit në këtë koalicion.
Ky reagim shihet si kundër reagim ndaj Arben Taravarit, i cili tha se qytetarët nuk janë të kënaqur nga funksionimi i VLEN-it.
Sipas Fetait shqiptarët kanë nevojë për politikë me duar të pastra, por jo për BDI-në.
Reagimi i plotë:
BDI është strumbullari i stërkeqjës që e ka kapluar shtetin dhe shqiptarët. Kjo kufomë politike i përket së kaluarës dhe nuk mund të jetë e ardhmja e shqiptarëve.
Koha e saj ka kaluar – shqiptarët kanë kërkuar dhe kërkojnë një politikë me duar të pastra, që mbron interesat e tyre dhe jo pasurinë e një grushti politikanësh të korruptuar e të kriminalizuar.
