Reshjet e së enjtes, kanë bërë që një veturë të fundoset në ujë. Rasti ka ndodhur në fshatin Prelez të Ferizajt.
Në fotografinë e publikuar nga televizioni Kanal10 shihet se vetura është mbuluar pothuajse tërësisht nga uji.
Lajmin e ka konfirmuar zëdhënësi i Policisë për rajonin e Ferizajt, Kanun Veseli.
Ai tha se rasti ka ndodhur në orët e vona të mbrëmjes, dhe ka ardhur si shkak i grumbullimit të ujit në atë vend.
