Autoritetet shëndetësore izraelite kanë njoftuar për një rritje shqetësuese të rasteve të infeksionit me virusin e Nilit Perëndimor. Deri më tani, 11 persona kanë humbur jetën nga kjo sëmundje infektive. Ministria e Shëndetësisë ka konfirmuar se 153 pacientë janë diagnostikuar me ethet e Nilit Perëndimor, me shumicën e rasteve të raportuara nga rajoni qendror i vendit.
Autoritetet po kërkojnë intensifikimin e përpjekjeve për monitorimin dhe kontrollin e mushkonjave, duke theksuar rëndësinë e ndërgjegjësimit të publikut dhe masave parandaluese. Virusin e Nilit Perëndimor e transmetojnë mushkonjat, të cilat ushqehen me gjakun e zogjve të infektuar. Simptomat e infeksionit përfshijnë ethe, dhimbje koke, lodhje dhe dhimbje trupi, si dhe të vjella.
