Dy tërmete të fortë me magnitudë 5.7 kanë goditur Greqinë mëngjesin e kësaj të premteje.
Sipas të dhënave sizmiologjike, lëkundjet sizmike të kësaj magnitude ishin me epiqendër në Detin Jon në afërsi të Filiatra. Tërmeti u ndje edhe në Kretë, Patra dhe Athinë.
Lëkundjet sizmike nuk kanë shkaktuar të lënduar apo dëme materiale, dhe nuk ka rrezik as për cunami.
Sizmiologu grek Akis Tselentis tha për një televizion të Athinës se tërmeti nuk përbën shqetësim.
/tvklan.al
