Këngëtarja rrëfen të gjitha frikërat në një intervistë për “The Sun”
Këngëtarja me origjinë shqiptare Dua Lipa, e cila sapo ka përfunduar turneun e saj botëror “Future Nostalgia”, ka folur hapur në një intervistë për gazetën britanike “The Sun”.Ajo është shprehur për herë të parë për dhimbjet e zemrës, sindromën e mashtrimit ,e njohur ndryshe si sindroma e mungesës së vetëbesimit, frikën e saj më të madhe dhe shumë e shumë të tjera.
27-vjeçarja zbuloi se preferon të bëjë një pushim të shkurtër nga rrjetet sociale sa herë që është duke punuar për një këngë. Dua, e cila u nda nga modeli amerikan Anwar Hadid Dhjetorin e kaluar, mendon se thyerjet e zemrës mund të ndihmojnë shumë në shkrimin e këngëve. Ajo gjithashtu ka treguar se frymëzohet nga artistë të cilët dyshojnë në vetvete.
Duke folur për një publikim të dielën e 4 Dhjetorit, këngëtarja foli për shkrimin e këngëve dhe se si sindroma e saj “mashtruese” ndihmon në këtë proces. Shpesh herë them ‘O Zot, a duhet të ndjej kaq shumë dhimbje që të jem e mirë në atë që bëj?” është shprehur ajo.
Përveçse një këngëtare shumë e suksesshme, Dua është edhe një aktore e shkëlqyer. Dua, e cila së fundi bëri debutimin e saj si aktrim në filmin “Argylle” me Henry Cavill, Sam Rockëell, Bryan Cranston dhe Samuel L. Jackson, ka folur për frikën e saj më të madhe në të njëjtën intervistë.
“Frika ime më e madhe do të ishte të merrja një rol vërtet të madh. Tani duhet të jem aktore dhe të ndjej të gjitha këto emocione në kamera”.
Klan News
