Rusia ka nisur disur valë sulmesh me dronë në Kiev për natën e dytë radhazi. Lajmin e bënë me dije autoritetet ukrainase, teksa deklaruan se nuk është shkaktuar asnjë dëm kritik apo viktima si pasojë e sulmeve.
Sulmet ajrore të së dielës kundër objektivave ukrainase pasojnë një valë sulmesh një natë më parë, me Kievin që tha se kishte rrëzuar 29 nga 38 dronët “Shahed” të prodhuar nga Irani, të nisur nga Rusia. Të shtunën, presidenti ukrainas, Volodymyr Zelenskiy përgëzoi forcat e tij ajrore për rrëzimin e UAV-ve – numri më i lartë i raportuar të jetë lëshuar nga Rusia në më shumë se gjashtë javë.
“Saktësia juaj, djema, është fjalë për fjalë jetë për Ukrainën”, tha Zelensky teksa paralajmëroi se me afrimin e dimrit Rusia do të përpiqet t’i bëjë sulmet më të fuqishme.
Zelensky tha se Rusia mund të grumbullojë raketa për një sulm dimëror në infrastrukturën energjetike të Ukrainës. Sulmet me dron të së premtes mbrëma shkaktuan ndërprerje të energjisë në më shumë se 400 qytete dhe fshatra në të gjithë Ukrainën dhe gjithashtu dëmtuan një depo nafte në Odesa në jug, duke lënë më shumë se 1500 banorë pa energji.
Ndërkohë, autoritetet ruse thanë se një dron ukrainas që synonte Moskën, u rrëzua të shtunën. Kryebashkiaku i Moskës, Sergei Sobyanin tha se nuk kishte dëme apo viktima./tvklan.al
