Pret penallti në përballjen me Juventus
Etrit Berisha pati një debutim për tu vlerësuar tek Empoli edhe pse skuadra toskane e humbi me rezultatin 2-0 sfidën me Juventus në shtëpi.
Portieri shqiptar priti penalltinë e goditur nga Vlahoviç në minutën e 38’, e dyta ndaj lojtarëve të Juventus pas asaj të vitit 2017 kur luante tek Atalanta. Gjithsesi, 34-vjeçari i cili aktivizohet prej 10 vitesh në Itali tha se më vlerë kishte një rezultat për ekipin.
“Kjo penallti e pritur që në ndeshjen e parë më bën të lumtur, por do të ishte më mirë të kishim një rezultat pozitiv.”
Etrit Berisha u konsiderua si më i miri në fushë për Empolin nga gazetat sportive italiane pasi shmangu gola të tjerë që mund ta kishin bërë më të thellë humbjen. Berisha nuk luante një ndeshje në Serie A prej 20 majit të 2022 për shkak se u trajneri i Torino fillimisht e la në stol dhe më pas e përjashtoi nga ekipi.
Tv Klan
