Ministri i punëve të Jashtme të Maqedonisë, Bujar Osmani sot përmes një statusi në facebook ka falenderuqr që u zgjodh nënkryetar i BDI-së në vendin e Izet Mexhitit pasi ky i fundit u largua nga partia, përcjellë Klan M.
Bujar Osmani ka falenderuar kryetarin Ali Ahmeti për besimin.
“Jam thellësisht i nderuar për besimin që të jem nënkryetar i Bashkimit Demokratik për Integrim! Mirënjohës për votimin nga Këshilli i Përgjithshëm! Mirënjohës për bindjen e mentorit tim politik, Kryetarit Ali Ahmeti, se të bashkuar do t’ia dalim t’ju japim udhë sfidave që na presin për të mirën e përgjithshme! Na priftë e mbara! – ka shkruar në facebook, Bujar Osmani. /KlanMacedonia/
