Bota është shumë larg kursit për të frenuar ngrohjen globale. Kombet e Bashkuara në një deklaratë kërkojnë nga shumë shtete veprime të menjëhershme për të hequr gradualisht karburantet fosile dhe për të arritur objektivat e marrëveshjes së klimës së Parisit 2015.
“Marrëveshja e Parisit ka nxitur veprime pothuajse universale për klimën duke vendosur qëllime dhe duke i dërguar sinjale botës për t’iu përgjigjur krizës klimatike,” tha OKB në Raportin e saj të parë Global Stocktake.
OKB-ja bëri thirrje gjithashtu për vendosjen e objektivave të vitit 2030 për zgjerimin e energjisë së rinovueshme dhe për të siguruar që sistemi financiar mund të financojë veprimet klimatike.
Kina, Shtetet e Bashkuara, Bashkimi Evropian dhe India kontribuojnë mbi gjysmën e emetimeve totale. Gati 200 vende ranë dakord gjatë samitit të Parisit 2015 për të kufizuar ngrohjen globale në jo më shumë se 2 gradë Celsius mbi nivelet para-industriale.
Tv Klan
