KURTI KA DASHUR TA NËNSHKRUAJË MARRËVESHJEN, VUÇIQI KA REFUZUAR
Liderët kryesorë të Bashkimit Europian, si Kancelari Olaf Scholz, Presidenti Emmanuel Macron, Kryeministrja Giorgia Meloni dhe Presidenti i Këshillit Evropian, Charles Michel, nuk arritën të bindnin Kosovën e Serbinë për firmosjen një marrëveshje.
Përkundër përpjekjeve të reja për ndërmjetësim të BE-së, ende nuk ka përafrim të qëndrimeve midis Prishtinës dhe Beogradit. Bisedimet për normalizimin e marrëdhënieve kanë ngecur, deklaroi shefi I diplomacisë së BE-së, Zhozep Borrell.
“Parashtruam propozim evropian, serioz dhe të balancuar për formimin e Bashkësive të Komunave me shumicë serbe në veri të Kosovës dhe insistuam ta shfrytëzojnë këtë mundësi që do të përmirësonte procesin e normalizimit dhe të shmangen incidentet. Fatkeqësisht, marrëveshja nuk ishte e mudndshme për shkak të parakushteve të vendosura nga secila palë, që ishin të papranueshme për palën tjetër” – tha Borrell.
Kryeministri i Kosovës, Albin Kurti, ka deklaruar se Kosova ka dashur ta nënshkruajë marrëveshjen në Bruksel, por Presidenti serb e ka refuzuar.
“Përkundër kësaj oferte gjeneroze të Kryeministrit Kurti, Presidenti i Serbisë, Vuçiç, ka refuzuar të nënshkruajë marrëveshje me Kosovën, dhe ka kërkuar që t’i pranohet një letër anësore me të cilën praktikisht i zhbën tri parime të Marrëveshjes Bazë, të Aneksit të Zbatimit si dhe të draftit të propozuar nga pesë emisarët me 21 Tetor 2023” – thonë nga Qeveria e Kosovës.
Presidenti serb, Aleksandar Vuçiq, pas takimit ka deklaruar se Serbia është e gatshme për formimin e Asociacionit konform propozimeve të marra, por nuk mund të pranojë anëtarësimin e Kosovës në OKB dhe njohjen e pavarësisë.
“Unë jam i gatshëm të nënshkruaj cfarë të doni, nga gjithë ajo që na duhet neve për ta realizuar, përvec atyre gjërave për të cilët kam folur – prania e Kosovës në OKB dhe cështja e pavarësisë së Kosovës. Këtë jo – gjithë tjerat po” – tha Vuçiq.
Për shkak të incidenteve të paradokoshme në veri të Kosovës, nuk ishte I mundshëm takimi dyplaësh Kurti-Vuçiq. Në margjinat e Samitit të BE-së në Bruksel, ata ndaras biseduan me ndërmjetësit e BE-së. Krahasa Borrelit, në këto bisedime morën pjesë edhe kancelari gjerman, Olaf Sholc, Presidenti francez, Emanuel Macron, Kryeministrja italiane, Xhorxha Meloni, Presidenti i Këshillit të BE-së, Sharl Mishel dhe emisarët e BE-së dhe SHBA-së, Lajcak dhe Eskobar.
