Sekretari amerikan i Shtetit, Antony Blinken u është kundërpërgjigjur pretendimeve të Hamasit se ShBA dhe Izraeli i dhanë fund armëpushimit sepse donin që armiqësitë të rifillonin.
“Është e rëndësishme të kuptojmë pse pauza mori fund – ajo mori fund për shkak të Hamasit”, thotë ai.
Ai përmendi raketat e lëshuara në Izrael nga grupi para përfundimit të armëpushimit dhe të shtënat në Jerusalem dje si shembuj të Hamasit që dëshmojnë se nuk kishte interes të respektonte kushtet e marrëveshjes, raporton Sky News, transmeton Klankosova.tv.
“Ai gjithashtu hoqi dorë nga angazhimet që mori për sa i përket lirimit të disa pengjeve”, shtoi ai.
Ai tha se fokusi i ShBA-së është në kthimin e pengjeve, por më gjerësisht “të nesërmen” për Gazën dhe rajonin më të gjerë të Lindjes së Mesme.
Më tutje ai tha se ShBA-ja vazhdimisht po u kujton autoriteteve izraelite që t’i mbajnë civilët e Gazës të sigurt – dhe se ai e kishte parë vendin të bënte hapa për ta siguruar këtë.
