Këngëtarja shfaqet mahnitëse në Koncertin e Hapjes së Turneut Botëror
Mijëra fansa u mblodhën në Stokholm të Suedisë për të festuar në shfaqjen hapëse të turneut të ri botëror të Beyonce. Mediat e huaja shkruajnë se “Renaissance” është turneu i parë solo i Beyonce që nga viti 2016.
Në koncertin e hapjes këngëtarja ndau hite nga albumi i saj i vitit 2022, suksesi i të cilit e vendosi Beyoncen në krye të fronit të “Grammy” si artistja më e dekoruar e ceremonisë në histori.
Fansat e saj të cilët ishin ankuar muajt e fundit për mungesën e videoklipeve për këngët e albumit patën rastin të shijojnë një natë unike në premierë. Ndryshimi i shpejtë i kostumeve dhe ndryshimeve të dekorit ishte befasues. Këngëtarja luajti në ndërveprime mes një bote dixhitale dhe fizike, ku pajisjet robotike krijonin figura të çuditshme në qiell.
Klan News
