Javën e ardhshme do të bëhen analiza dhe do të përcaktohet nëse do të ngrihen çmimet e sheqerit, vezëve dhe orizit, tha sot ministri i Ekonomisë, Kreshnik Bekteshi.
Siç potencoi Bekteshi në konferencën për media në Qeveri, çmimet me siguri do të ngrijnë nëse prodhuesit nuk i ulin ato.
Sipas tij, analizat e Sektorit të Tregtisë dhe të Odave Ekonomike kanë treguar se shumica e kompanive përdorin marzhin maksimal dhe janë në një farë mënyre të bashkuar për të mos reduktuar fitimet e tyre.
“Sipas të gjitha analizave të Sektorit të tregtisë, konstatohet se shumica e kompanive përdorin marzhin maksimal dhe janë në një farë mënyre të bashkuar që të mos ulin fitimet. Kjo është arsyeja pse ne vendosëm të shkojmë me një ngrirje çmimi. Mbetet vetëm sheqeri, vezët, dhe oriz për të cilët javën e ardhshme do të bëhen analiza dhe çmimet e të cilëve me siguri do të ngrihen nëse prodhuesit nuk i ulin, sqaroi Bekteshi.
