Bayern Munich është një nga skuadrat më aktive në Evropë në afatin kalimtar veror.
Pasi i kanë dhënë besimin trajnerit Vincent Kompany, bavarezët kanë siguruar transferimet e Joao Palhinha dhe Michael Olise.
Megjithatë transferimet te gjiganti gjerman nuk janë ndalur, pasi trajneri Vincent Kompany dëshiron ta ndërtojë një skuadër të fuqishme për ta rikthyer titullin në Allianz Arena.
Sky Sports ka raportuar se bavarezët janë duke përgatitur dy nënshkrime të reja, një nga Bundesliga dhe një tjetër nga Ligue 1.
Qendërmbrojtësi gjerman Jonathan Tah është obektivi kryesor për repartin defensivë dhe Bayern ka gati 25 milionë euro për transferimin e tij nga Bayer Leverkusen.
Ndërkohë në mesfushë bavarezët pritet të përforcohen me talentin francez Desire Doue i cili ka shkëlqyer me Stade Rennes në Ligue 1.
Palët janë në negociata të avancuara, derisa 19-vjeçari pritet t’i kushtojë Bayernit 55 milionë euro. /Telegrafi/
