Bavarezët mposhten me përmbysje nga Mainz, ndërlikohet gara për titull
Eliminimi nga Champions League duket se ka turbulluar ujërat te Bayern Munich. Gjiganti gjerman pësoi humbjen e radhës këtë herë në kampionat.
Skuadra e Thomas Tuchel u mposht me përmbysje, 3-1 nga Mainz, për të dërguar në 4 numrin e humbjeve sezonale në Bundesligë.
Sadio Mane kaloi në epërsi bavarezët, të cilët iu drejtuan dhomave të zhveshjeve në avantazhin minimal 0-1. Por në pjesën e dytë, Mainz arriti që të konkretizojë në gola rastet e krijuara, për të përmbysur gjithçka në favor të saj.
Tre gola të shënuar në harkun kohor të 14 minutave, me Mainz që merr 3 pikët dhe ëndërron një vend në Kupat e Europës.
Klan News
