Në mediat italiane dhe gjermane po qarkullojnë lajme të forta lidhur me interesimin e Bayern Munich për një portier të ri. Kampionët e Bundesliga janë në kërkim të një pasuesi të denjë për Manuel Neuer, dhe në “radarët” e tyre ka rënë një prej protagonistëve të Milanos, Mike Maignan.
Francezi ka bërë paraqitje të shkëlqyera me “kuqezinjtë” e Milanos dhe kjo ka bërë që “bavarezët” të ndjehen tërhequr nga aftësitë e tij.
Në një periudhë kur Bayern Munich po përgatitet për sfidat e reja, zgjedhja e një gardiani të fortë është prioritet për ta. Mike Maignan duket se ka të gjitha cilësitë për të zëvendësuar Manuel Neuer dhe për të qenë një pjesë e rëndësishme e skuadrës së tyre.
