Dortmund përgjigjet me fitore ndaj Union Berlin
Bayern Munich fitoi takimin e javës së 27 të Bundesligës kundër Freiburgut me rezultatin 1-0.
Goli i vetëm i sfidës u realizua nga Matthijs de Ligt në minutën e 51 të lojës. Freiburg, që eliminoi bavarezët nga Kupa e Gjermanisë pak ditë më parë, iu afrua golit me Ritsu Doan që goditi shtyllën dhe Salain, që iu mohua goli nga portieri Yann Sommer.
Kjo është fitorja e dytë radhazi në kampionat për trajnerin Tomas Tuhel. Bayern vazhdon që të mbajë kryesimin e Bundesligës, në kuotën e 58 pikëve, dy më shuëm se sa Borusia Dortmund që mposhti Union Berlinin me rezultatin 2-1 në shtëpi.
Verdhezinjtë kaluan në avantazh në minutën e 28 me Malen. Behrens barazoi rezultatin në të 61’.
Por 18 minuta më pas, zëvendësuesi Moukoko realizoi golin e fitores.
Union Berlin ngelet në vend të tretë në kuotën e 51 pikëve. Në takimet e tjera të javës së 27, Leverkusen mundi Eintraht 3-1, Koln fitoi ndaj Ausburgut me të njëjtin rezultat në transfertë, ndërsa Mainz barazoi 2-2 me Verder.
Klan News
