Bashkimi Evropian (BE) shpreh keqardhjen për faktin se presidentja e re e Maqedonisë së Veriut, Presidentja Gosrdana Siljanovska-Davkova, nuk e përdori emrin kushtetues të vendit në ceremoninë e sotme kur dha betimin, tha zëdhënësi i BE-së, Peter Stano.
“BE rikujton rëndësinë e respektimit të plotë të marrëveshjeve ekzistuese, ligjërisht të detyrueshme, përfshirë Marrëveshjen e Prespës me Greqinë,” tha Stano.
Gordana Siljanovska-Davkova ka dhënë sot (8 maj) betimin solemn në Kuvend, pas së cilës ka filluar mandatin e saj si presidente e vendit pas fitores në zgjedhjet presidenciale të 8 majit. Gjatë dhënies së betimit, duke përsëritur pas kryetarit të Kuvendit, Jovan Mitreski, i cili përdori emrin kushtetues Republika e Maqedonisë së Veriut, Siljanovska-Davkova përdori vetëm Maqedoninë.
Më herët, presidentja e Komisionit Evropian (KE), Ursula von der Leyen, në një postim në rrjetin X (Twitter) tha se “që Maqedonia e Veriut të vazhdojë rrugën e saj të suksesshme drejt anëtarësimit në BE, është më e rëndësishme që vendi vazhdon në rrugën e reformave dhe respektimin e plotë të marrëveshjeve të tij detyruese, përfshirë edhe Marrëveshjen e Prespës”.
Ka reaguar edhe Ministria e Jashtme e Greqisë (MPJ). Në një deklaratë të transmetuar nga agjencia MIA, MPJ-ja greke thotë se “marrëdhëniet dypalëshe me shtetin fqinj dhe rruga e tij evropiane varen nga zbatimi i plotë i Marrëveshjes së Prespës dhe përdorimi i emrit kushtetues”.
“Gjatë betimit të sotëm në Kuvend, pavarësisht se në tekstin zyrtar të betimit që i ishte diktuar, vendi ishte nën emrin “Maqedonia e Veriut”, presidentja e re e Republikës së Maqedonisë së Veriut, zonja Siljanovska – Davkova, zgjodhi ta quajë vendin “Maqedoni. Kjo procedurë shkel qartë Marrëveshjen e Prespës, por edhe Kushtetutën e vendit fqinj, e cila është në përputhje me detyrimet e tij ndërkombëtare”, thuhet në njoftimin e MPJ-së greke.
Kryetari i Këshillit të Europës, Charles Michel është shpehur i zhgënjyer me presidentin e re të Maqedonisë së Veriut, Gordana Siljanovska-Davkova pasi e njejta nuk respektoi emrin kushtetues të shtetit.
Në rrjetin social X, Michel ka rikujtuar se marrëveshja e Prespës duhet të respektohet.
Reagimi i plotë:
Shumë zhgënjyese që presidentja e re e Maqedonisë së Veriut nuk përdori emrin kushtetues të vendit gjatë ceremonisë së sotme të betimit. BE rikujton rëndësinë e zbatimit të vazhdueshëm të marrëveshjeve ligjërisht të detyrueshme, përfshirë marrëveshjen e Prespës me Greqinë.
Very disappointing that the new President of North Macedonia @gogamkd did not use the constitutional name of the country during today’s oath ceremony.
The EU recalls the importance of continued implementation of legally binding agreements, including Prespa agreement with Greece.— Charles Michel (@CharlesMichel) May 12, 2024
