Një burrë 36-vjeçar me origjinë shqiptare është arrestuar nga autoritetet greke pasi dyshohet për abuzim të vazhdueshëm seksual ndaj vajzës së partneres së tij. Sipas raporteve të policisë, ai akuzohet për një seri veprash të rënda që përfshijnë përdhunim dhe marrëdhënie seksuale me të mitur, duke filluar që nga viti 2013.
Viktima, tani 25 vjeç, ka bërë dëshmi tronditëse se ka qenë subjekt i dhunës fizike deri në moshën 18-vjeçare dhe më pas i është nënshtruar përdhunimeve të përsëritura. Këto akte të tmerrshme kanë ndodhur në shtëpinë ku ajo ka jetuar me të dyshuarin dhe nënën e saj.
Në një bastisje të kryer në banesën e tyre, forcat e rendit zbuluan dhe sekuestruan kanabis, armë dhe katër thika. Si rezultat, ndaj 36-vjeçarit u ngrit një dosje penale dhe u dërgua para drejtësisë me akuza të shumta, përfshirë shkelje të legjislacionit për të dhënat personale dhe posedim të paligjshëm të armëve dhe drogës. Nëna e vajzës gjithashtu u procedua për shkelje të legjislacionit për armët.
