Kush dhe pse keqëpërdori rastin me ish ushtarin e UÇK-së Blerim Ramadani që u arrestua muajin e kaluar në kalimin kufitar Jazhincë me kërkesë të Serbisë?
Më 2 gusht kur u mor vendimi për të ndryshuar masën e paraburgimit të Ramadanit me masën burg shtëpiak dy zyrtarë të lartë të VLEN-it Izet Mexhiti dhe Arben Taravari shpejtuan për të shkruar në rrjetin social FB se meritë e tyre dhe falë angazhimit të tyre është arritur që Ramadani të lirohet.
Ja cfarë kishin shkruar Mexhiti dhe Taravari :
“Gjatë ditës së djshme u lirua nga paraburgimi ish ushtari iu UCK-së. Ne po punojmë intezivisht që shumë shpejt ai të kthehet në shtëpi, BDI po tenton të minimizojë faktin se ish ushtari I UCK-së u lirua nga paraburgimi si rezultat I punës tonë institucionale”, ka shkruar mes tjerash Izet Mexhiti.
“E përshëndesim lirimin e ish ushtarit të UCK-së Blerim Ramadani! Lirimi I tij ishte një mision që e arritëm dhe liria e tij na gëzon të gjithëve” , kishte shkruar Taravari.
Kryeministri Mickoski sot tha se nuk ka qenë në dijeni se dy zyrtarët e VLENI-it kanë shkruar se falë angazhimit të tyre është liruar Ramadani.
“Nuk kam dëgjuar se janë lavdëruar se e kanë liruar,
TV Klan M: Në “Facebook” kanë reaguar me disa statuse?
Nuk kam dëgjuar për diçka të tillë, që të jem i sinqertë as nuk i kam lexuar.Nëse vetëm e trajtoni këtë temë, nëse nuk gaboj, ishte në paraburgim shtëpiak, ose është dashur që të jetë”, – tha Mickoski.
Taravari I cili më 2 gusht thoshte se meritë e tyre është lirimi I Ramadanit, sot akuzon zyrtarë të Prokurisë së janë fajtorë që rasti nuk është mbyllur shpejt.
“Une e di, jam dëgjuar me Blerim Ramadanin, kam biseduar e di se, kam bisedu. E di se Blerim Ramadan është dashur të lirohet nga dita e parë, por fatkeqësisht, një prokuror nga Kërçova, nuk e la atë mundësi që të lirohet atë ditë dhe e komplikoj situatën se çfarë ka ndodhë më tutje, nuk kam dijeni” – tha Taravari, VLEN.
Ndryshe dje ish pjesëtari i UCK-së Bleim Ramadani u arratis nga burgu shtëpiak. Këtë e konfirmoi sot edhe MPB.
Mediat raportuan se arratisja e tij ka ndodhur pasiqë ka marrë informatë se sërish do t`i ndryshohet masa, gjëgjësishtë masa e paraburgimit shtëpiak dhe do t`i zëvendësohet me paraburgim efektiv dhe I njejti sërish duhej të kthehej në burgun e Shutkës.
Tre gjykatës të Këshillit penal dje pas ankesës së prokurorisë, sipas informative jozyrtare, kanë vendosur ndryshimin e masës dhe kanë shqiptuar 30 paraburgim efektiv për Ramadanin për shkak të rrezikut se i njejti mund të arratisej. /tvklan.mk/
