Antikorrupsioni ka konstatuar se nuk ka bazë për procedurë pas denoncimit për konfikt interesash dhe korrupsion gjatë emërimit të Drejtorit të Agjencisë për Siguri Kombëtare, Bojan Hristovskit. Në seancën e sotme, Antikorrupsioni ka konstatuar se Hristovski plotyëson kushtet për emërimin sipas Ligjit për ASK-në, por potencoi se s`ka ingerenca për ekspertizë të drejtpërdrejtë për një pjesë të dokumenteve.
Sipas denoncimeve, ekzistojnë dyshime për ligjshmërinë e kontrollit të sigurisë, diplomës valide për arsim të lartë, certifikatës për gjuhë angleze dhe përvojën e punës së Hristovskit.
Komisioni Antikorrupsion me shumicë votash vendosi që të ndalet, të mbyllet dhe të arkivohet procedura për nismën e kontestimit të emërimit të Bojan Hristovskit.
Antikorrupsioni u shpall si jokompetent për të vendosur për certifikatën TOEFL të Hristovskit për njohjen e gjuhës angleze si dhe për diplomën nga Fakulteti Ekonomik pranë Universitetit për Turizëm dhe Menaxhment në Shkup, që shkaktuan vëmendjen më të madhe të opinionit, sidomos certifikata e dhënë nga Plovdivi i Bullgarisë.
